Fexet

Antigistamin, allergiyaga qarshi.

Fexet  – H1-retseptorlar blokatori, terfenadinning faol metaboliti, ikki farmakologik faol izomerlarning racemik aralashmasi. Fexet  gistanin H1-retseptorlarining ingibitori hisoblanadi. Mast hujayralar va bazofillardan ajralib chiqadigan gistamin, H1-retseptorlariga ta'sir qilish orqali allergik rinit bilan bog'liq ko'plab klinik simptomlarni (masalan, aksirish, qichishish va rinoreya) keltirib chiqaradi. Bundan tashqari, Fexet  mast hujayralar membranalarini barqarorlashtiradi, ulardan gistamin va boshqa biologik faol moddalarni ajralishini kamaytiradi. Fexet  boshqa farmakologik faollikni namoyon qilmaydi. Dopamin retseptorlariga, antixolinergik, antiadrenergik,         anal'gezik, antikonvulsant, antidepressant faollikka ta'siri aniqlanmagan. Fexet  sekin kaliy kanallarini bloklamaydi va QT intervalida o'zgarishlar keltirib chiqarmaydi. Feksofenadin qabul qilgan bemorlarda QT intervalida o'zgarishlar kuzatilmagan (kardiyotoksiklik namoyon bo'lishida platsebo bilan taqqoslanadi). Fexet  markaziy asab tizimiga ta'sir qilmaydi. Aniq xulq-atvor ta'sirlari, uyqu davomiyligi va harakatlar koordinatsiyasida o'zgarishlar qayd etilmagan. Fexet  jigar metabolizmiga uchraydigan preparatlar bilan birgalikda qo'llanganda klinik ahamiyatli o'zaro ta'sir keltirib chiqarmaydi. Fexetning antigistamin ta'siri qabul qilinganidan keyin birinchi soat ichida namoyon bo'la boshlaydi, 6 soat ichida maksimal darajaga yetadi. Og'iz orqali qabul qilingandan keyin ta'siri taxminan 24 soat davom etadi, bu uni kuniga 1 marta qabul qilish imkonini beradi. 60-120 mg dozalar oralig'ida doza bog'liq ta'sir kuzatiladi.
Xavf guruhidagi bemorlar (keksa va buyrak yoki jigar funksiyasi buzilgan bemorlar) uchun dozani tuzatish zarurati yo'q.

Og'iz orqali qabul qilingandan keyin Feksofenadin me'da-ichak traktidan tez so'riladi, plazmadagi maksimal konsentratsiya darajasiga (Cmax) 1-3 soat ichida yetadi. Kuniga 1 marta 180 mg doza qabul qilingandan keyin o'rtacha Cmax qiymati taxminan 494 ng/ml, 120 mg qabul qilingandan keyin esa 427 ng/ml ni tashkil qiladi. Biologik mavjudlik kamida 33% ni tashkil qiladi. Ovqat qabul qilish Fexetning so'rilishiga sezilarli ta'sir ko'rsatmaydi, shuning uchun bemor dozani tuzatishga muhtoj emas. Plazma oqsillari bilan bog'lanish 60-70% ni tashkil qiladi. Fexetning plazmadan yarim chiqarilish davri sog'lom odamlarda ko'p marta qabul qilingandan keyin o'rtacha 11-15 soatni tashkil qiladi. Sutga o'tadi. Dozaning 5% qismi ichak shilliq qavatida qisman jigar tashqarisida metabolizmga uchraydi, faqat 0.5 dan 1.5% gacha doza jigar biotransformatsiyasiga uchraydi. Asosan o't bilan chiqariladi va o'rtacha 80% doza o'zgarmagan holatda najasda va 10% siydikda aniqlanadi. Fexetning najas va siydikda aniqlangan yagona metabolitlari fexofenadin metil efiri va faol bo'lmagan parchalanish mahsuloti - azatsiklonolning kichik miqdorlaridir. Jigar patologiyasi Fexetning so'rilishi va chiqarilishiga katta ta'sir ko'rsatmaydi.

Kattalar uchun:

- allergik rinit, pollinoz (peshob)
- surunkali idiopatik eshakemi

- Feksofenadin va preparatning har qanday komponentiga yuqori sezuvchanlik
- 12 yoshgacha bo'lgan bolalar
- homiladorlik va laktatsiya davri

Fexetni keksa yoshdagi bemorlar, buyrak yoki jigar yetishmovchiligi bo'lgan bemorlarda ehtiyotkorlik bilan qo'llash kerak.

Avtotransport vositalarini boshqarish va mexanizmlarni boshqarish qobiliyatiga ta'siri

Yon ta'sirlar (bosh aylanishi, uyquchanlik)ni hisobga olgan holda, avtotransport vositalarini boshqarishda va diqqatni jamlash va psixomotor reaktsiyalar tezligini talab qiladigan ishlarni bajarishda ehtiyotkorlik kerak.

Tez-tez
- bosh og'rig'i, charchoq, asabiylik, bosh aylanishi, loqaydlik, uyqu buzilishi
- dispeptik hodisalar, ko'ngil aynishi, og'iz qurishi, qayt qilish, diareya

Kamdan-kam
- burun va/yoki tomoq bo'shlig'ining qurishi
- toshma, eshakemi, qichishish, anafilaktik reaktsiyalar
- ko'krak og'rig'i, mialgiya
- fotosensibilizatsiya reaktsiyasi

Juda kamdan-kam
- yuqori qo'zg'aluvchanlik
- uyqu buzilishi
- ta'm sezish buzilishi

Simptomlar: bosh aylanishi,  uyquchanlik, charchoq, og'izning qurishi.

Davolash: me'dani yuvish, faollashtirilgan ko'mir, ich ketkazuvchi vositalarni tayinlash. Zarur bo'lganda simptomatik va qo'llab-quvvatlovchi terapiya o'tkaziladi. Gemodializ samarasiz.

Fexet jigar biotransformatsiyasiga uchramaydi va shuning uchun jigar metabolizmiga uchraydigan boshqa preparatlar bilan o'zaro ta'sir qilmaydi.

Fexet eritromitsin yoki ketokonazol bilan qo'llanganda uning plazmadagi konsentratsiyasi 2-3 marta oshadi, bu, ehtimol, me'da-ichak so'rilishining oshishi va o't chiqarilishi yoki me'da-ichak sekretsiyasining kamayishi bilan bog'liq. Bu o'zgarishlar QT intervaliga ta'sir qilmagan va yon ta'sirlarning kuchayishi bilan bog'liq bo'lmagan.

Fexet qabul qilishdan 15 daqiqa oldin alyuminiy gidroksid va magniy gidroksid saqlovchi antatsid preparatlar tayinlash uning biologik mavjudligini kamaytiradi, ehtimol, me'da-ichak traktida bog'lanish natijasida. Fexet va antatsidlar qabul qilish orasidagi tavsiya etilgan interval kamida 2 soat bo'lishi kerak.

Fexet va omeprazol o'rtasida o'zaro ta'sir kuzatilmagan.

Fexet bir vaqtda qo'llanganda etanol yoki markaziy asab tizimiga ta'sir qiluvchi boshqa dori vositalariga potentsiyal ta'sir ko'rsatmaydi.

Bitta tabletka tarkibida
faol modda: feksofenadin gidroxlorid 60 mg, 120 mg yoki 180 mg.
yordamchi moddalar: kraxmal prejelatinizatsiyalangan, mikrokristallik tsellyuloza (avitsel PH 102), laktoza, natriy kroskarmelloza, magniy stearat.
qobiq: gidroksipropilmetilsellyuloza, titan dioksid (E171), propilenglikol, talk, tozalangan suv.

Plyonka qoplamali, oq rangli, cho'ziq shaklli, bir tomonida “GETZ” bosilgan va boshqa tomoni silliq (60 mg doza uchun) tabletkalar.

Plyonka qoplamali, oq rangli, oval shaklli, bir tomonida “GETZ” bosilgan va boshqa tomonida bo'linish chizig'i (120 mg doza uchun) tabletkalar.

Plyonka qoplamali, oq rangli, cho'ziq shaklli, bir tomonida “GETZ” bosilgan va boshqa tomonida bo'linish chizig'i (180 mg doza uchun) tabletkalar.